Iko Ampek Caro Negara Mandapekan Vaksin Covid-19

Liputan6.com, Padang - Sabagian negara di dunia alah malakuan vaksinasi untuak maningkekan kekebalan dari penularan Covid-19, tapi vaksinasi indak bisa dijadian perlombaan.

Anggota COVAX Independent Allocation of Vaccines Group (IAVG) Tjandra Yoga Aditama mangecekan, vaksinasi bukan balapan yang dikarajoan dek sebuah negara sajo, tapi harus dilakukan sacaro merata dek seluruh negara di dunia ko.

"Pandemi iko tajadi di dunia, ndak ciek atau duo negara sajo do, sahinggo memang sado vaksin ko harus merata di dunia," kata Tjandra, dalam Live Streaming Virtual Class Cek Fakta Liputan6.com, Selasa (27/7/2021).

Tjandra bapandapek supayo sabuah negara bisa mandapekan vaksin, ado ampek caronyo, nan partamo mambali pakai piti negara. Tapi caro iko ado pulo kendalanyo, walaupun negara pitinyo cukuik untuak bali vaksin, tapi pasokannyo alun bisa mencukupi.

"Kok ado anggaran, kadang-kadang pasokan vaksinnyo ndak ado, jadi kebutuhan indak seimbang," katonyo.

Caro nan kaduo, berdasarkan karajosamo bilateral duo negara. Lalu caro nan katigo kerjasama multilateral dan nan kaampek mambuek vaksin tu di negara awak surang.

"Jadi itu ampek caro sebuah negara bisa mandapekan vaksin," ujar Tjandra.

Menurut Tjandra, Covax sabagai lembaga dunia yang mengurusi penyaluran vaksin bausaho mamanuahi kebutuhan vaksin di tiok negara. Tapi kini ko stok vaksin yang ado jumlahnyo masih di bawah kebutuhan.

"Ado namonyo Covax dibantuak ampek organisasi dunia, di antaronyo WHO jo Unicef yang mahimpun vaksin ka negara yang membutuhkan," jalehnyo.

Artikel berbahasa daerah Padang ini bagian dari program Liputan6.com memerangi hoaks.

Saksikan video pilihan berikut ini:

Malawan hoaks samo jo malawan pembodohan. Untuk itulah kami mambuek Kanal Cek Fakta Liputan6.com 2018 lalu, dan sampai kini kami aktif maagiah literasi media ka masyarakat.

Sajak 2 Juli 2021, Cek Fakta Liputan6.com bagabuang dalam International Fact Checking Network (IFCN) dan menjadi patner Facebook.

Kami jadi bagian dari insiatif cekfakta.com, bakarajo samo jo pihak manopun, tapi indak mampangaruhi indepedensi kami.

Kok uda/uni atau masyarakat yang punyo informasi saputa hoaks yang nio manalusuri jo diverifikasi, buliah manyampaian di email sekfakta.liputan6@kly.id.

Nio capek dapek jawaban? Hubungi Chatbot WhatsApp Liputan6 Cek Fakta di 0811-9787-670 atau klik tautan iko.