Jingok Hoaks Idaknyo Informasi, Payo Melokke Bae Virtual Class Liputan6.com

Liputan6.com, Palembang - Banyaknyo hoaks dan misinformasi yang tejadi di Indonesia tekait dengan vaksin Covid-19, masih banyak nian. Hal ini jugo salah satunyo yang diangkat dalem Virtual Class Liputan6.com, Selaso (27/7/2021).

Hoaks atau berita ngolake, biasonyo disebarke lewat konten yang macem-macem, cak tulisan, foto dan video. Caro menyebarkannyo aneh-aneh jugo, cak konten video yang sering nian dieditnyo dulu.

Dalem Virtual Class dengan tema ‘Varian Delta Turunke Efikasi Vaksin, Perlu Dak Dosis Ketigo?’, audiens dikenalke caro deteksi hoaks, berita ngolake atau berita ucak-ucak, dengan pake macem-macem tools simpel nian, cak Google Image samo Yandex.

“Beragam yo caronyo wong nyebarke hoaks. Ado yang diambek dewek, terus dibagike. Tapi narasi isi dari video itu diubahnyo, bukan cak kejadian sebenernto,”uji Hanz Jimenz, fact checker Liputan6.com.

Di luar itu jugo, untuk ngelawan berita ucak-ucak yang terus nyebar di wong-wong, Liputan6.com ngeluncurke layanan Chatbot WhatsApp, untuk merikso bener idaknyo informasi itu.

Di layanan Chatbot itu, uwong-uwong diajak untuk ngecek iyo nian dak, informasi itu bener atau hoaks idaknyo.

Saksikan Video Pilihan Berikut Ini:

Ternyato, layanan Chatbot itu biso jugo langsung digunoke. Kontak bae ke 08119787670, pasti langsung dibalesnyo dan idak samo sekali dimintakkin duet apopun alias gratis.

Caro gunoke Chatbot itu mudah nian. Cuma ketik kato kunci dari informasi atau berita yang nak dipengeni. Agek pasti langsung dapet jawaban dari informasi, yang la ado di database Liputan6.com.

Nah, agek dalam layanan ini jugo, disedioke tips dan trik untuk ngindari hoaks, jadi biso buat kito lebih mudah untuk mengurangi raso percayo ke hoaks.